Aum Penumbuh Dayak Development Berhad Mujur Di Atur

Sibu – Dayak Development Berhad (DDB) udah mujur ngatur aum penumbuh kompeni nya kena 09 June 2018 tu tadi ti bepalan be sebengkah hotel tebilang di Sibu ditu. Aum penumbuh tu tadi digulu lebih kurang 100 iku raban DDB udah besetuju netap ka bala komiti protem megai pangku pengawa nyadi direktur DDB lalu sama bela segala penemu madu ka Judah Anom nyadi Chairman kompeni tu.

Judah maya ti mantai penerang madah kediri temegah ati ari sukung raban DDB ti udah meri pengarap ngagai iya ngemudi ke kompeni tu lalu besemaya deka bejalai ka tanggungpengawa enggau naka alah.

“Aku temegah ati ukai semina udah diberi pengarap mangku tanggungpengawa ti besai, tang mega aku berasai amat gaga meda Dayak ulih begempung ba dunya dagang”, ku iya.

Iya mega nandu, DDB tu sebengkah ari pejurai randau Dayak Baru Agenda iya nya bekaul enggau Ekonomi Dayak. Beduduk arinya, penemu tu ulih dikerembai ka ngagai seluruh menua Sarawak ti nyengkaum raban bansa Dayak di serata dunya.

Ba pekara bukai, DDB udah netap ka yuran ngerejista diri nyadi raban iya nya RM30 siku, lalu penyampau syer ti udah disetuju ungkup siku raban iya nya RM2000.

“Aku nangkan bala mayuh, syer RM2000 semina belabuh digumpul sepengudah kompeni tu dikemendarka Opis Pengerejista Kompeni (SSM). Lalu, yuran rejista RM30 dibayar maya nyadi raban”, pia ku Judah.

Ba aum tu mega, Incham Serdin dipaduka nyadi Sapit Chairman, ditangkan ka Sekretari Uncha Remang, Penguasa Wang, John Sinni, Penguasa Pengereja Pengawa Jawi Anom, Moses Sipan mangku pengawa Penguasa Pengelikun sereta Alpha Dragam dipaduka nyadi penyanding penemu undang undang.

Kelimpah ari nya, DDB mega nyiri Datuk Paduka Michael Lias enggau Belayong Nyuak nyadi Penyanding Penemu Dagang.

Naka ke diatu, DDB udah mujur ngerempung lebih urung 500 iku bansa Dayak nyadi raban kompeni nya. DDB ti belabuh bejalai ka pengawa ngiga raban kenyau ari bulan Februari tu tadi udah mujur bendar narit ati bansa Dayak ngemun kediri bedagang nengah Crowd Funding Concept (CFC), iya nya, bepuku ka pupu ari mensia mayuh ti udah ngerejista diri nyadi raban kompeni. DDB udah netap ka atur sama rata ngagai semua pemegai syer lalu nangkan ke nya, bala direktur kompeni tu bejalai ka pengawa enggau nadai gaji. DDB mega udah mujur nuduk siku pengatur pengawa ba tiap bengkah menua baka rintai nama dibaruh tu:

Judah Anom (DDB): 0108192303

Penyelaras Bahagian:
1. Bau
Pn. Corina Ansa
0128964882

2. Kuching
Joseph Dreba
0103309781

3. Lundu
Joseph Tau katip
011160887955

4. Sri Aman / Lubok Antu –
Digat Kissam
0198577449

5. Betong / Saratok /Julau / Kanowit
Rodney Raye
0198052983

6. Sarikei / Bintagor
Pn. Roslind Garon
019888439

7. Sibu
Julius Enchana
0198487513

8. Kapit
Anita Kambira
0138174314

9. Mukah / Selangau
Menis Medan
0138058426

10. Bintulu –
John Sini Benang 0109335139

11. Miri –
Gabriel Louis
016 2168860

12. Serian/ Puncak Borneo
Johin krayu
0135603122

Penerang silik bekaul enggau DDB tau ditanya ngagai Penguasa Media & Pekara Luar Rodney Raye (019 – 8052983) sereta Julius Enchana (019 – 8487513).

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s