Dacin Tungkup: Anang Ngelaban Perintah

Kenang Politik

Jaku tebilang kelambung kenang suah disebut enda mudah midang “Anang Ngelaban Perintah”. Jaku ke tu bisa endar lalu ngasuh kitai bansa majak surut ke belakang, tang ukai mandang ke mua. Empas jaku tu dalam reti, ukai ngasuh nuan meri awak diri milih perintah dalam menua demokrasi tang ngasuh nuan nangi enda bulih subsidi, MRP, RTP enggau bengkah projek ke bukai. Tang empas PRU 14 tu tadi udah nunjakka kitai, perintah tu tau dilaban, ukai semina tau dilaban tang mega perintah Barisan Nasional (BN) ti megai menua Malaysia lebih ari 50 taun tu tadi tumbang.

Nama reti jaku Anang Ngelaban Perintah? Nadai reti. Nuan enggau aku meh perintah. Kitai rakyat diberi kuasa milih perintah tiap kali datai ba adan ba pengawa bepilih lima taun sekali. Maya bepilih nadai perintah, tang semina bisi perintah sementara ke ngemata sereta bejalai ka pengawa perintah sebedau perintah baru ditumbuhka ari parti ti menang dalam pengawa bepilih.

Bala parti sekali ke penyakal tauka ke megai perintah maya tu baka orang ke minta kereja. Sida minta kereja ba rakyat, iya nya, nuan enggau aku. Undi nuan meri sida nyadi perintah. Diatu, pengawa bepilih ke deka datai ti pemadu semak iya nya Pilihanraya Negeri Sarawak ke 14, ti disadang nyadi ba taun 2021.

Kati kita agi deka tinggang jaku “Anang Ngelaban Perintah” tauka sama deka enggau numbuh perintah baru? Pemutus ba jari kita.

Badu negi ke Dacin Tungkup.

– Dayak News Portal –

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s