DEDB Deka Ngatur Aum Komiti, Bulan Lima

Sibu – Dayak Economic Development Berhad (DEDB) deka ngatur aum komiti sida sebedau ngatur Aum Besai kompeni nya bulan enam ila. Jaku penerang tu dipansut ka penengkebang DEDB ke mega nyadi protem chairman, Judah Anom seraya ti madah ka langgur atur ti deka dikerandau ka sida.

“Antara batang randau ti deka dikerandau ke maya aum komiti tu ila bekaul enggau langgur pengawa ti deka dikereja maya aum besai”, pia ku Judah.

Kelimpah ari nya, iya mega madah, raban protem komiti deka nyedia ka diri enggau kereja jurai ti deka dibantai ka maya Aum Besai ila. Ku iya, DEDB diatu udah mujur nyerakup ka urung 500 iku kaban, lalu iya melaba ka penyampau orang ti ngerejista diri nyadi kaban DEDB deka nambah manggai ngagai 600 iku sebedau aum ba bulan enam ila.

“Naka ke diatu, bisi urung 500 iku udah ngerejista diri nyadi kaban DEDB. Lalu aku melaba ka penyampau tu ulih manggai ngagai 600 iku dalam timpuh sebulan ti deka datai”, ku iya madah.

“Taja pan kami ngembuan pengandal 1500 iku kaban, tang, penyampau nya nyangka apin ulih japai”, ku iya bejaku.

Berindik ari nya, bala protem komiti deka bejurai ka dagang ti deka dikereja DEDB bepelasarka puku ti bisi. Ku Judah, pekara tu deka dikemeratka ba aum sida ila.

DEDB ditumbuh ka nengah chara Crowd Funding Concept (CFC) lalu ngeletakka semua kaban sida nyadi pengempu kompeni, lalu, siku kaban deka beranak ka puku sepenyampau RM2000.

“Untung sama rata lalu kitai sama ngempu kompeni. Nitih ke pemayuh tubuh kediatu, kitai udah bisi urung RM 1 Juta puku ti deka diperanakka”, ku iya nerang.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s