PBDS Baru Muka Pintu Ngagai Kaban Kunsil Besai PRS Ke Dibuai

Kuching – Parti Bansa Dayak Sarawak Baru (PBDS Baru) “nukang ke pintu” ngagai Kaban Kunsil Besai PRS ti dibuai James Masing ari pangku pengawa sida dalam parti demalam. Sida enam iku tu nyengkaum Sapit Presiden Datuk Joseph Entulu, Kaban Parlimen Lubok Antu William Nyalau, Nyempah Sabot, Edward Kurik enggau Adriana Chumang.

Ba penerang berita Jaku Iban, Ketuai Pengawa Bepilih parti, Rapelson Richard Hamit madah ka sida tu baka anak ti lama udah lelang lalu udah maya mulai ka diri ke rumah asal.

“Orang ti kering deka enda ngelabuh ka sesiku orang, tang ngangkat ke sida. Ulah Masing dipeda baka ulah ti enda patut diibun siku ketuai”, pia ku Rapelson ke mega Ketuai Nembiak PBDS Baru.

Berindik arinya, Rapelson madah ka Masing enda kala berubah ulah kenyau ari pengudah iya ngelabuh PBDS ke dulu. Ku Rapelson madah, ulah Masing tu ukai ngering ka bansa enggau menua tang semina endur iya ngidup ka diri dalam politik.

“Jauh bida ketuai kami (Cobbold John) enggau iya (Masing). Ba kami, parti ukai ungkup seiku orang tang diempu semua kaban parti nya”, ku Rapelson madah.

“Sinu ke sida, nya alai, kaban Kunsil Besai PBDS Baru udah ngaga pemutus setuju nerima enti sida enam tu nyeretai sida ba parti Dayak”, ku iya.

Iya mega nandu, PBDS Baru enda ngembuan ulah muai raban parti tajapan enti kaban sida, tang mending ka penemu kaban sida iya.

Ku Rapelson, jaku Snowdan ti manding ka parti politik enggau siti kompeni tu siti penemu ti balat betingkah. Rapelson madah, penuduk presiden parti ari undi maya aum besai lalu Masing enda nyadi presiden enti nadai undi diberi ngagai iya.

“Kati ke siku Menteri baka Snowdan enda ulih mida sebuah gerempung politik enggau sebuah kompeni? Sekali ka iya enda nemu tikas ROS (Opis Pengerejista Gerempung) enggau Opis Pengerejista Kompeni (ROC)? Nya alai, PRS ukai kompeni Masing”, pia ku iya mejah Snowdan.

“Ditu kitai meda sapa Masing ke bendar. Iya baka ti lebih bekuasa ari Najib ke nyadi Chairman BN Malaysia. Lalu Masing manding ka iya lebih bekuasa ari Abang Jo sereta presiden parti BN Sarawak ke bukai baka SUPP enggau PDP”, ku Rapelson.

Iya manding ka PBDS Baru enda beguna ka jaku setuju ari sapa sapa tang pemutus bekaul chalun ari raban Kunsil Besai sereta presiden sida.

“Nyangka Masing ka nunda Cobbold tang enda nemu diri nadai kuasa pemutus? Ulah Masing tu ngamat ke jaku iya empu “Jangan Lawan Towkay”, tang iya empu mega ke ngelangkah towkay iya”, ku Rapelson seraya ke ketawa ke Masing.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s