Anang Bemunsuh Enggau PBDS Baru, Rapelson Madah Ka PKR Sarawak

KUCHING – Parti Bansa Dayak Sarawak Baru (PBDS Baru), madahka raban ketuai PKR Sarawak ngembuan ulah ti bingking sereta ngelubaka diri ba atur sereta ngereja pengawa politik di Sarawak.

Jaku timbal ari Ketuai Raban Nembiak tu beduduk ari ulah penyukung PKR ti suah mejah PBDS Baru parti ti diupah BN mecah ka undi kelimpah nuduh sida parti nyamuk. Iya mansut ka jaku timbal tu beduduk ari “perang media” ti mekit presiden PBDS Baru enggau Baru Bian ba sebengkah group Facebook ti ngelar diri Dayak Gempuru.

“Baru Bian tu siku luyar. Luyar ukai ngari ka PKR tang nurun niki Kort ketegal udah pengawa luyar. Lalu iya ti nurun niki kort pan dibayar, ukai enda bebayar. Tu mandangka PKR ngakun diri bepolitikka institusi pengawa luyar dikena ngelakuka parti sida?” ku tanya Rapelson Richard Hamit.

Rapelson mega madahka ulah tu balat tinggi jaku sereta enggau tuju ngemaruh ka parti penyakal menua Sarawak tu empu. Iya manding luyar NCR bukai baka Dato Seri Daniel Tajem (PBDS), Paul Raja (DAP), Dominique Ng (ex-ADUN PKR Padungan) enda kala ngakun sereta ngelakuka diri nengah parti.

“BN tu ti dilaban kitai. Aku alit ati ke ulah PKR balat ngelanyah sereta mejah PBDS Baru. Nama sida enda nganu STAR, PBK, SWP enggau tauka Parti BN baka PDP, PBB enggau PRS?”, tanya Rapelson.

Iya mega nerang, MDC/SNAP suba kala ngaga kerejasama enggau PKR ba taun 2006 maya Bepilih Kunsil Nengeri, tang mayuh chalun alah ketegal nadai bantu ari Ketuai PKR Malaya baka Datuk Seri Anwar Ibrahim enggau Dato’ Seri Mohamed Azmin Ali.

Berindik ari nya, Rapelson madahka bansa Dayak ti nyeretai PKR semina dikena nambahka pemayuh tubuh sereta pengering ke parti nya tang ukai meri empas ke bansa Dayak empu.

“Aku minta Baru Bian sereta PKR Sarawak madah kebuah Dato Seri Daniel Tajem nyurut ka diri ari PKR? Lalu aku mega minta sida madah nama bida PKR enggau PBB ti dkuasa UMNO?”, pia ku Rapelson nanya.

“Baru Bian enggau Nicholas Bawin nemu pekara tu. Nya alai Mengga (Mikui, chalun PBDS P214 Selangau) nyurutka diri ari PKR,” ku Rapelson.

Beduduk ari nya ku Rapelson, kini ke tuju Dayak enti sema kuing perau PKR enda betul, laban bansa Cina dalam PKR ulih merejuk ngagai DAP, lalu Melayu PKR bisi AMANAH / PAS alai bepanggai.

“Sekali ka Dayak PKR merejuk ngagai BN tauka numbuh parti baru ti ngasuh Dayak pambar?” ku Rapelson.

Rapelson mega madah, PKR nguna sesebengkah NGO Dayak dikena bejalaika pengawa politik sida lalu nguna NGO dikena nyapai juluk ati politik. PKR patut meri terima kasih ngagai NGO.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s