Raban Nembiak PBDS Baru Meri Sukung Ngagai Chalun Sida

Sibu – Raban nembiak PBDS Baru madahka diri meri sukung penuh ngagai kaban suprem parti nya dalam nentu ka chalun ti deka dichiri ba pengawa bepilih besai PRU 14. Penerang tu dipansutka Seketeri Nembiak, Julius Enchana.

Julius mansut ka penerang tu sepengudah penerang ti dipansutka Ketuai Pengawa Bepilih parti, Rapelson Richard Hamit ti madahka chalun sida diatu benung ditapis ba renggat ke penudi.

“Raban nembiak parti deka nyukung penuh sapa bagi ti deka dichiri nyadi chalun. Kediatu, chalun parti benung ditapis ba renggat ke penudi”, pia ku iya.

Iya mega madah, ke amat beguna ba siku chalun nya ukai semina populariti tang mega patut dipeda ari sukut integriti, kredibiliti sereta mega tanggungpengawa.

Iya mega madah raban ketuai ba parti tu amat ngemeratka nembiak baru lalu penemu kami semampai didinga raban sida ti nyadi ketuai. Berindik ari nya, Julius madah ka PBDS Baru tu parti ti engkeman alai anak Dayak di menua tu ngentapka diri dalam politik.

“Kitai udah mayuh belajar ari penyilap tuai ke dulu ti suah berebut nyadi ketuai lalu sekeda ti enggai meri awak ngagai raban nembiak mantai ka penemu. Nya alai, kediatu, kitai udah chukup enggau lalau utai ti udah nyadi ba PBDS ke dulu”, ku iya nerang.

Nandu jaku iya, Julius madahka parti tu ngembuan kuasa otonomi penuh dalam nentu ka kuing parti sereta mega chalun sida. Iya madah, sida nadai manggai kediri ngagai sebarang kuasa ari Malaya.

“Aku arap mayuh agi nembiak Dayak tebuka runding lalu enda ngembuan penemu nyanda dalam politik. Tu rumah kitai”, pia ku iya.

Maya ti ditanya sekali ka iya deka bediri ba sitak Lanang sekali tu, Julius enggai meri sebarang komen tang semina madahka raban parti sama besukung pangan diri.

“Terus ka Agenda Dayak. Bediri tauka enda tu pekara ke dua. Semina aku ngarap amat enti Iban menua Lanang sereta sitak Dudong tebuka agi runding sereta berati ka enggau silik penduduk Dayak dalam empas politik kemaya hari”, pia ku iya ke mega presiden Persatuan Dayak Dudong (PDD)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s