Hari Muai Undi Patut Diatur Ba Ujung Minggu – Rapelson

Kuching – Ketuai Pengawa Bepilih Parti Bansa Dayak Sarawak Baru (PBDS Baru) madah ka hari muai undi ti ditetap ka Komiti Pengawa Bepilih (SPR) enda engkeman laban diatur maya hari gawa iya nya 9 Mei (hari tiga). Ku iya nandu, pekara tu deka pulai ka penanggul orang ti deka pulai ngundi. Ba pekara tu, Rapelson madah ka hari enam hari iya ti pemadu engkeman endur muai undi.

Bekaul enggau chalun PBDS Baru ba PRU14, Rapelson ke mega Ketuai Nembiak madah ka parti nya diatu endang udah bisi chalun lalu benung napis chalun sida ba renggat ke penudi. Iya mega mansut ka penerang siku ari chalun sida nyangka deka ditukar enggau chalun bukai ketegal ti betapi enggau penanggul pengerai.

“Chalun kami ba siti ari sitak ti benung angat diatu bisi penanggul ba pengarai lalu iya nyurut kediri ari nyadi chalun. Tang taja pia, kami bisi chalun bukai deka disabung ba sitak nya ila, lalu chalun tu mega siku orang ti dikelala ba menua nya”, pia ku iya nerang.

Beserimbai enggau nya mega, Rapelson mega nangkan raban parti sida ngambi ka enda nyima ati enti nyema enda dichalun ka ba PRU 14 tu ila. Iya mega ngelalu sida ngambi ka sama nyukung chalun ti deka dipadu ngari ka PBDS Baru.

“Aku gaga ati meda sokong orang lama sereta mega orang baru dalam parti tu. Lalu kami mega nadai charut dibaruh pegai presiden Cobbold John. Nya alai, taja pan kami tu baka ti mati idup baru aku temegah ati laban kami enda belaya berebut ke penuduk baka chalun BN enggau PH ke diatu “, ku iya.

“Tambah mega, kami udah mujur ngerembai ka sayap orang indu ti betuaika Sylvia John lalu bagi nembiak kami udah numbuh ka exco diri empu”, ku iya madah enggau nyemetak.

Sebedau tu PBDS Baru bisi diripot madah ka mayuh raban lama parti tu udah mulai ka diri. PBDS ke dulu udah dipadam ka Opis Ngerejista Gerempung (ROS) ba taun 2004 suba ketegal penyarut antara Tan Sri James Masing enggau presiden parti maya nya Dato Seri Daniel Tajem.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s