Perambu PDD Deka Dipejalai ka Sepengudah PRU -14

Sibu – Persatuan Dayak Dudong (PDD) nengah sebengkah penerang berita madahka perambu gerempung sida deka dipejalai ka sepengudah Pengawa Bepilih Besai PRU 14 tu ila.

Bejaku ba penerang berita, Sekretari Besai PDD Pau Utek madah ka atur tu dikena nyeliahka pengawa rama PDD deka beserumba enggau pengawa parti-parti politik di menua nya ti benung kimpin maya jam diatu.

“PDD deka nangguh ka dulu semua pejalai gerempung tu. Pengawa gerempung deka dipejalaika baru sepengudah PRU14”, ku Pau madah.

Nandu jaku iya baru, Pau madah ka PDD udah mujur ngatur mayuh bengkah program ti mai penguntung ngagai peranak genturung pendiau menua nya. Ku iya, sebagi ari pengawa rama PDD ti udah mujur bendar diadu iya nya bekaul enggau pengawa ti begaga ka surat peranak enggau kad pengelala.

“Ya, mayuh pemujur udah dibai PDD. Ba berita ti diterima aku, mayuh sida ti bepenanggul enggau kad pengelala sereta surat peranak tu udah mujur diputarka. Kami mega meri terima kasih ngagai Parti Progresif Democratic (PDP) enggau SUPP ba sitak menua tu ti sama bela ransing mutarka pekara tu”, ku iya madah.

Kelimpah, PDD mega udah mujur nyadi komiti pengatur Randau Tanah Adat Bansa Asal (NCR) – The Hidden Truth iya ti diatur kena bulan July 2017 bepalan ba Rumah Berendam Seliang, Durin. Pengawa ti diatur begulai enggau Institut Kebangsaan Dayak (DANI) udah mujur meri penerang ngagai peranak menua pesisir bekaul enggau penapi kes NCR ti diasaika kemaya hari tu. Program nya mega sama bela digulu presiden PBDS Baru, Cobbold John.

“Nya alai, aku ngarapka mayuh agi peranak menua tu sama bela ngerejista diri nyadi kaban gerempung, ambi kitai sama bela BBSS”, ku iya seraya ti madah ka BBSS tu rambai jaku gerempung iya nya Begempung, Beserakup, Seati, Sepenemu.

Arinya, Pau meransang nembiak ti udah bulih pemujur dalam SPM dipelilih menua nya nampung sekula ngagai tikas ke tinggi agi.

Ba pekara bukai, iya mega madah PDD deka ngatur aum gerempung ba urung bulan Jun taun tu, kelimpah proses ngerejista gerempung tu ngagai ROS agi benung dipejalaika.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s