Opis Pengerejista Bansa Pelilih Lubok Antu Pemisi? – Johnny Chuat

Lubok Antu – Chalun PBDS Baru ungkup P203 Lubok Antu madahka diri bisi nerima sebana mensia mayuh ari Kumpang Pauh bekaul enggau Opis Pengerejista Bansa Pelilih Lubok Antu ti udah nadai kusung sereta nadai pengereja pengawa kenyau seminggu ti udah.

“Pagi tu tadi lebih kurang lebih kurang pukul 10 aku bisi nerima kangau ari mensia mayuh bekaul pekara tu. Serak tu, sida ti sebana ukai semina ari Kumpang Pauh tang mega ari pelilih menua bukai baka Jelak, Meriok enggau Rantau Kemayau”, pia ku Johnny meresu ke pekara nya.

Johnny ke mega kaban supreme PBDS Baru, mejah ulah pengereja pengawa ti nadai ngembuan pengiruh ke pengawa diri seraya ti madah ke sida tu semina nerima gaji buta tang enda ngereja pengawa nitih ka atur ti udah ditetapka.

“Sinu aku meda bala ti datai ari jauh, tang pulai enggau jari puang. Taja pia, aku gaga ati sida udah manggai ka pengarap ngagai aku ngemana ka pekara tu”, pia ku iya.

“Nya alai, pengari rakyat ba sitak tu patut bagas agi bejalai ngabas palan Opis Perintah, ukai semina nemu datai niki rumah panjai bekimpin lalu nyua ka geran duit MRP”, ku Johnny nyindir.

Ba pekara bukai, iya madah kediri endang udah nyikap diri nyerumba pengawa bepilih PRU14 ti deka datai.

“Ya, kami ba parti Dayak endang semampai sedia napi sebarang ubah. Diatu aku madah ke kita, Nyalau benung kusil-kusil nya kebuah iya enda ulih bejalai ka tanggungpengawa ke muntang bakatu. Enti PRS udah enda nyirika iya nyadi chalun, kita pan badu nyukung iya”, pia ku Johnny nyemetak.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s