Nadai “dinding” PBDS enggau parti bukai

Rapelson minta Snowdan ngererak “selapat” dalam PRS

Kuching – Ketuai Nembiak PBDS Baru bebula sebengkah penerang ti dipansut ka Ketuai Nembiak PRS, Snowdan Lawan ti nuduh PBDS Baru nirika “dinding” enggau raban bansa bukai. Penerang Snowdan tu bepun ari pemutus PBDS Baru ti ngena gambar babi ke maskot sida ba PRU 14 ti deka datai.

Ba penerang iya, Rapelson ke mega Ketuai Komiti Bepilih parti, nyebut, penemu Snowdan semina jaku tempa dikena ngelabuh ka nama PBDS Baru ke majak angkat diatu. Ku iya nandu, pekara tu endang udah dijangka ketegal PRS ti enggai meda PBDS Baru.

“Sida ke dalam PRS tu orang ti enggai meda PBDS, nya kebuah sida mecah ke PBDS lalu numbuh ka PRS”, pia ku Rapelson.

Tang ku iya, PRS bedau ulih teganti ke PBDS ti dulu iya ti udah mujur ngempung bansa Dayak Sarawak begulai ba siti perabung politik. Iya mega madah kediri berasai malu ke ulah Snowdan ti nguji ngapi ka rakyat di menua Sarawak.

“Kaban parti endang ditulis ba konstitusyen, lalu nama parti pan PBDS Baru (Parti Bansa Dayak Sarawak Baru) iya nya PBDS ke dulu diidup ka disempulang nama Baru di belakang. Ketegal mascot? Penerang udah ga dipadah ke enggau silik. Nama agi ka diterang? Besaut timbal jaku politik?”, pia ku Rapelson mejah penemu Snowdan.

Ku Rapelson, Snowdan patut “ngererak selapat pangking” dalam PRS dulu sebedau kiruh ka parti bukai. Iya mega madah ka pemerani Snowdan semina ba bansa diri, tang, nadai seleka jaku dipansut ka Snowdan maya penemu presiden PRS Tan Sri Datuk Amar Dr. James Jemut Masing dipejah Sanib Said ba sebengkah penerang berita.

“Dayakism, tu meh agenda PBDS Baru. Kami nemu sereta ngasai ka diri diempit dua iti kuasa besai politik ari penegap penemu kami ti enggai nyemilik PH tauka BN”, pia ku Rapelson.

“Tang taja pia, sayap parti tu majak ngerembai sereta majak mansang ke mua. Mayuh raban Dayak tepelajar bisi dalam parti, tang, sida tu meh manuk sabung parti ke dudi hari”, ku Rapelson.

Rapelson mega madah, tu sebengkah ari kebuah semua piak nekan PBDS Baru laban enggai ka parti tu idup sereta kering baru.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s