PBDS Baru Minta PH Berati Ka Royalti Minyak Enggau Gis Ba Manifesto Sida

Sri Aman – Parti Bansa Dayak Sarawak Baru (PBDS Baru) madah kediri enda lantang ati bekaul enggau manifesto PH ke menua tu ti dipejadi kemari ba sebengkah hotel ti tebilang di menua Sibu. 

Ba sebengkah penerang ti dipansutka ba media rama, Cobbold ke mega presiden parti madah ke diri enda entu nyamai ati bekaul isu minyak enggau gas baka ti disebut dalam manifesto PH. Ku iya, dalam manifesto sida, PH bisi nyebut deka meri 20% royalti minyak tauka enggau sebarang tikas ti betimbal. 

“BN meri 5%, PH meri 20%. Asil minyak enggau gis tu pansut ari menua kitai ( Sarawak). Nya alai, kitai menua tu ti patut nentu ka penyampau ungkup ke patut diberi ngagai perintah besai (Malaya). Nama tuju perambu PETROGAS enti agi meri 20% royalti ke menua Sarawak?”, pia ku Cobbold. 

“Nama reti nurun ka kuasa enti menua tu nadai diberi kuasa pemutus bekaul isu minyak enggau gis? Tu penatai pemisi ke pemadu besai ke menua Sarawak”, pia ku tandu iya. 

Nampung jaku iya, Cobbold mega minta PH Sarawak beratika ungkup Tanah Adat Bansa Asal (NCR) sereta nyeruri Kod Tanah Nengeri (SLC) enggau nyedia ka pelin ke lebih manah ke tanah adat di menua tu.

“PH Sarawak anang enda ingat ke penusah tanah. Tu ti nyadi turai pejalai politik ketuai-ketuai PH Sarawak ngelamatu. Hak pengempu esklusif (Tanah NCR) patut diberi ngagai pengempu asal tanah”, ku iya nyemetak. 

Nandu jaku iya baru, Cobbold madah ka pemutus EU ti deka nagang minyak sawit di menua tu deka meri empas ekonomi ti cukup besai. Iya mega minta PH beratika empas tu lalu patut nyedia ka pelin dagang baru ke menua Sarawak. 

“Manifesto PH lebih agi ngagai nyeruri, tang ukai nuju pelin baru. Nya alai, PBDS Baru mengkang ngati ka diri dikena nyikap menua tu enggau ubah landskap politik ke dudi hari”, pia ku Cobbold.

One thought on “PBDS Baru Minta PH Berati Ka Royalti Minyak Enggau Gis Ba Manifesto Sida

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s