PBDS Baru Bebula Berita Dr. Jeniri Amir, Sida Mengkang Enda Nyemilik Sebarang Piak

Kuching – Parti Bansa Dayak Sarawak Baru (PBDS Baru) mengkang tegap enggau runding sida enda nyemilik Barisan Nasional (BN), Pakatan Harapan (PH) enggau SAKSAMA. 

Penemu PBDS Baru ti enda nyemilik kuasa besai politik Malaysia tu nerima mayuh macham timbal ari mensia mayuh kelebih agi di Sarawak. 

Ba penerang berita sida, PBDS Baru madah, pekara tu udah diperunding enggau silik bepelasarka utai ti udah nyadi ba SNAP enggau PBDS ke dulu. Ba penemu Ketuai Raban Nembiak sida, Rapelson Richard Hamit, BN sigi ukai kaling sida tang ‘perang dunya sosial’ ti nuduh PBDS Baru tu parti  kaban BN udah meri empas ke enda manah agai sida. 

“PBDS Baru tu ukai parti ti ditumbuhka, tang PBDS ke diidupka baru”, ku iya. 

“Protem Presiden Louis Jarau kala madahka parti tu bedau kala tingkil ari Barisan Nasional maya iya dikinsil ari Opis Pengerejista Gerempung (ROS), ke alai kuing parti tu udah ditentuka maya Aum Tiga Taun Sekali bulan tujuh taun 2016”, pia ku iya. 

Iya nandu, enti PH beamat-amat sida patut netapka kaul enggau parti menua tu empu sereta enda ngerekaika koloni politik Malaya ke Sarawak kitu. 

“Kitai Sarawak udah chukup pedis laban proxy-UMNO iya nya PBB ti kelalu bekuasa ba Sarawak. Taja pia, sida enda ulih ngetanka hak Minyak enggau Gas, sereta meri pengelabuh penuduk Sarawak ari sebengkah menua ngagai negeri”, ku Rapelson. 

Berindik arinya, Rapelson madahka PBDS Baru ukai semina parti ti ngarika bansa Dayak tang mega ngetan ke hak Sarawak sereta dikena nyekat pengerembai ideologi Malaya ke menua Sarawak.

Your news can be emailed to us at editor@dayaknewsportal.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s