P203 Lubok Antu – Johnny Chuat Manuk Sabung PBDS Baru

PRS Kelalu Mayuh Chalun – PBDS Baru

Lubok Antu – Dalam penerang berita ti dipansutka berapa bulan ti udah lalu, Parti Bansa Dayak Sarawak Baru (PBDS Baru) udah nambat manuk sabung sida Johnny Chuat ke mega Supreme Council Member parti nyatup Parti Rakyat Sarawak ba pengawa Bepilih Besai PRU Ke-14 gi deka diatur sebarang maya sebedau timpuh parlimen Malaysia ambis bulan Gawai Dayak taun tu. 

Johnny penatai asal ari Rumah Mujah, Nanga Menyebat, Lemanak pelilih menua kena pegai P203 Lubok Antu ngembuan pelajar ba bidang Journalism enggau Communications ari Carleton University, Canada, sereta penengkebang  kompeni Borneo Media Solutions (BMS) enggau Pegari Iban Production ti popular enggau Majalah Pegari iya ti udah ngasil ka macham bengkah berita nyengkaum berita rama, dunya pemerindang enggau jerita tuai. 

Ba pengawa bepilih ngenyit taun 2009 DUN Batang Ai, Johnny matak diri ba jam ke penudi laban meri awak ex-YB Jawah Gerang (PKR) betenggali alan enggau chalun baru PRS iya nya Malcom Mulsen Lamoh ke alai Johnny maya tu minta bala penyukung iya meri sukung penuh ngagai chalun PKR Jawah Gerang. Malcom mujur ngalah ka Jawah enggau majoriti 1854 undi. 

Johnny Chuat ke tebilang enggau rambai jaku “Agi Enchelak Agi Bebatak” ti dipaduka nyadi chalun potensi PBDS Baru ba pengawa PRU14 tu ila dipeda deka ngeruga penuduk PRS ti benung kusil-kusil nambat manuk sida. Ahli parlimen PRS kediatu Datuk William Nyallau Badak diberitaka enda dichalun ka agi lalu dipelabaka deka diganti enggau siku chalun indu Dato Seri Doris Brodie. Bisi mega berita madahka Doris deka dichalunka PRS ba P202 Sri Aman nganti Datuk Masir Kujat. 

“Tiga Datuk bepekit minta nyadi chalun? Kelimpah ti bisi dipeda ngelaku diri Desmond Sateng enggau Jugah Muyang sereta berita ngelansa Robert Pasang Alam deka dipaduka PRS nyadi chalun sida”, ku Cobbold

Maya ti dirandau Dayak News Portal nengah aplikasi WhatApps kemari, Cobbold ke mega presiden PBDS madahka PRS kelalu mayuh chalun ba Lubok Antu. Ku iya, nyangka PRS kurang pengarap tauka kelalu mayuh deka nyadi chalun ngarika PRS ba PRU-14 tu ila. Ba sebengkah berita dipekunsi ba Facebook, Cobbold mega meri pantun ngagai PRS ke ditulis bakatu:

Bintis PBDS bintis, agi enchelak agi bebatak, 

Bepantuk manuk PRS, bedau disabung telih dedilak!

Lebuh ti ditanya bekaul enggau pengawa bepilih PRU14, Cobbold madah iya deka bekunsi ka penerang berita ba awak ka bukai.

Your news can be emailed to us at editor@dayaknewsportal.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s