KM Abang Jo Bula Enda Nemu Sarawak Dipasuk UMNO – Cobbold John

Sri Aman – Penerang ari Kepala Menteri ti madah menua Sarawak nadai dipasuk UMNO tu bula lalu semina dikena nyeliah diri ari pengamat utai ti nyadi. 

Presiden PBDS, Cobbold John madah bisi sebengkah rangkal gerempung ti kala ditempa urung taun 2006 suba iya ti dipelanja UMNO di Sarawak ti diberi nama Penaja UMNO Sarawak (JPUNS).
Ku Cobbold, berita tu suah udah dipansut ka ba Borneo Post ka alai JPUNS kala nguji nganjung chalun ba bepilih besai 2008 dibaruh tiket Parti Agenda Rakyat Bumiputera (ARBS) ti betuaika Affendi Jeman. 
“Ba taun 2010-2011 JPUNS bisi mansutka oenerang urung 70,000 kaban sida di menua Sarawak. Lalu Affendi  udah nganjung peminta ngerejista ARBS ngagai Opis Pengerejista Serakup (ROS)”, pia ku Cobbold. 
Kelimpah, kena ka 20th April 2011, sebengkah ripot polis udab digaga siku ari kaban JPUNS, Salleh Mahali ti bediri ngati kediri ba DUN N. 50 Dalat ketegal ti ngemula ka iya ari ti nyadi chalun JPUNS maya nya.

Ba penemu Cobbold, pekara tu mandangka pengelemi Perintah BN Sarawak ketegal ti ngelak ka parti Ketuanan Melayu baka UMNO tama ke menua tu. Tang ku Cobbold, pekara tu mega ulih ngelemi ka kuasa PBB ti lama udah nyadi proxy UMNO kenyau ari jeman Tun Rahman Yaakub.

“Berindik ari pekara tu, PBDS minta Kepala Menteri mansik pekara tu enggau silik sereta meri penerang ngagai mensia mayuh ba pekara bekaul”, pia ku Cobbold.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s